Tõõsõl pääväl vaeldi sis kotust, terve pääva vali vihma nigu uavarrõst. Hummogu, väega varra kellä 03.30 aigu anti herätus. Olõs` meil aigu hambit mõska õga muud, edesi kell 4 hummogu varra süümine ja sis õkva lahinguhõ.
Vanajummal oll mi pääle vist väega vihanõ, terve päävä vali vihma nigu uavarrõst ja võitlõja(h) olli(h) kõik nii likõ(h) ku likõ(h). A tahtmine võidõlda(h) oll õks väega kõva. Mi rüntsi vainlast õgat muudu, küll ütsindä ja mitmõkõisi, kolnnih rüntsi auto iist ja takast. Kuuliprits süläs tuld korgõ massina katusõ päält. Vainlaisi vaijju nigu roodu. Vahepääl anti ka(h) turmtuld kahuritõst ja miinipildujist.
Oll` surmasaanuisi ja pallo haavatit, nuu kõik saih` väega ruttu api. Snaipri võtsõ kahh mitu vainlast maaha. Üts võitlõja Ivo oll` väega tubli, timä võtsõ ütsindä maaha viis vainlast. Ja sis(h) tek timä uma püssä kaba pääle viis tsälka. Pääletungilõ minti suuri jõudõga(h) ja väigokõstõ jõudõga(h). Lahing läts õks kellä kuuõni vällä, mis tuust, õt vihma vali ja kõik olli(h) likõh. A võitlusvaim oll` meestel nii korgõ, õt õga mi võidulda(h) siist lahingust õks arh ei lää(h).
Õdagupuuldõ oll` parameedik Ingal väega tähtsa sündmus- sünnipäiv. Kogo rühm võtsõ rivvi ja hõigas kolm kõrda kõva helüga Hurraa! Sis õga miis surusi kätt ja suuvsõ kõigilõ hääd miilt. Sis(h) koka(h) jälki andsõ hüvvä putru ja kisselit pääle juuah. Kiäh tahtsõ sai ka kohvi ja tsäid. Päiv oll` kül rassõ olnuh, a miil oll` kõigil hää, olõi(h) kergit lahingit õga sõtu kohki. Uma Eesti iist tulõ õks lõpuni vällä võidõlda(h). Tuud tiidvä siih Kevädtormil kõik võitlõja(h). Hüvvä võitlusindu edesi, hoiami(h) õks lippu korgõl ja olõmi valvsa(h).
Pia-aigu ommgi lõpp, saami kodo uma naistõ, uma sugulastõ mano. Sis(h) omm midä kõigilõ kõnõlda(h).